Бастауыш апталығының ашылу салтанаты

Бүгін мектебімізде Бастауыш апталығының ашылу салтанаты жоғары деңгейде өтті. Таңертеңнен бастап мектеп іші ерекше мерекелік көңіл күйге бөленді. Оқушыларды көңілді үзіліс ойындары, қызықты тапсырмалар мен шаттыққа толы сәттер күтіп алды. Балалар белсенді қатысып, көтеріңкі көңіл күймен жаңа күнді бастады.
Апталықтың ашылу салтанаты мазмұнды мерекелік іс-шарамен жалғасын тауып, оқушылардың өнері мен шығармашылығы паш етілді. Көңілді әндер, би мен ойындар арқылы бастауыш сынып оқушыларына көтеріңкі көңіл күй сыйланды.
Бұл шара балалардың бір-бірімен достық қарым-қатынасын нығайтып, білімге деген қызығушылығын арттыра түсті. Бастауыш апталығы оқушылар үшін есте қаларлық жарқын сәттермен басталды ✨