«Уыз Май Индастри» зауытына экскурсия

Ақпанның жетісі күні Жетісу облысы, Көксу ауданындағы ТОО «Уыз май Индастри» зауытында, КГУ «Jetisu Jastary» филиалы «KoksyJastary» және Көксу ауданының ішкі саясат, мәдениет және тілдерді дамыту бөлімі мен РДМТК «Тритон» Көксу ауданының кәсіпкерлер палатасы «Атамекен» қолдауымен, Көксу аудандық білім бөлімі мен Көксу аудандық кітапханасының ұйымдастыруымен «Еңбектің күші – елдің күші» атты іс-шара өтті. Іс-шараның басты мақсаты: еңбек саласында жұмыс істейтін адамдарға құрметті арттыру, олардың экономика мен қоғамды дамытуға қосқан үлесін көрсету. Жастар мен басқа да топтарды ынталандыру, олардың құндылығына назар аударту.

Іс-шара аясында Б. Кұндақбаева атындағы мектептің оқушылары педагог-ұйымдастырушы Салтанат Иламбекованың жетекшілігімен соя зауытына барып, сояны өңдеу процесімен танысу мүмкіндігін алды. Экскурсия тек білім беру тұрғысынан ғана емес, жастардың агроөнеркәсіптік салада жұмыс істеуге деген ынтасын арттыратын шабыттандыратын шараға айналды.Кейіннен зауыттың инженерлері – бас инженер Сакардин Сергей Леонидович пен өңдеу желісінің бастығы Мангенов Дастан Советжанович өндірістік процеске тереңірек тоқталып, соя бұршағынан май, шрот және басқа да өнімдерді қалай алатынын көрсетті. Оқушылар тазалау, ұнтақтау, экстракциялау және сүзу кезеңдерін көріп, сояның пайдасын сақтау үшін қолданылатын технологиялар туралы түсінік алды. 

Экскурсия соңында оқушыларды зауыт ұйымдастырған дәмді және нәрлі түскі ас күтті. Ас үстінде олар көргендерімен бөлісіп, ұйымдастырушыларға жылы қабылдауы үшін алғыстарын білдірді.

«Мен алғаш рет сояны қалай өңдейтінін көрдім. Бұл өте күрделі процесс екен. Енді зауыттардың қалай жұмыс істейтінін және осындай кәсіпорындардың экономика үшін қаншалықты маңызды екенін жақсы түсінемін», – деді оқушылардың бірі Нұрболат Талпын.

https://www.instagram.com/reel/DFz_u3poz3O/?igsh=MTBwOGdtaXl6anlxNQ==