Бабалар дәстүрі - ұрпаққа өсиет" атты ұлттық өнерді дәріптеу сабағы

Ұлттық тәрбие - кешегі өткен қариялардан, ғұлама, ойшылдар мен шешен-билерден, ақын-жыраулар мен сал-серілерден мұра, мирас болып қалған ұлы тәрбие құралы.
"Біртұтас тәрбие бағдарламасын" жүзеге асырудағы "Даналық мектебі" жобасы аясында Б.Құндақбаева атындағы №1 орта мектебінде "Бабалар дәстүрі - ұрпаққа өсиет" атты ұлттық өнерді дәріптеу сабағы өткізілді. Мақсаты: білім алушылардың бойында ұлттық құндылықтарды дарыту, адал, саналы, жасампаз азаматты тәрбиелеу. Сабақ барысында қазақ халқының ежелден келе жатқан салт-дәстүрлері, әдет-ғұрыптары, ырым-тыйымдары соның ңшңнде өзіндік орны бар дәстүрінің бірі бата берудің түрлерімен білім алушылар таныстырылды. Білім алушыларға қарияларымыз ас батасын, сапар батасын және өскелең ұрпаққа арналған ақ батасын берді. Сабаққа 9,10 сынып оқушылары қатысты. Сабаққа қатысқан қарияларымыз жақсы өнер мен өнеге көрсетті. Жауапты мұғалімдер: Е.Бейсебеков, Б.Қожахмет